Network
Para sederek kaum Muslimin ingkang Minulya.
Mangga kita tansah nambahi ajrih lan taqwa kita dumateng Allah Subhanahu wa Ta’ala, injih kanti nindakaken dawuh dawuhipun lan nebihi awisan awisanipun, mugi mugi kita kalebet golonganipun kawula ingkang kaparingan rahmat lan hidayah wusana beja dunya lan akhiratipun Amin.
Para sederek kaum Muslimin ingkang Minulya.
Gilir gumantosing mangsa, rinten lan dalu, mletek lan surupipun serngenge, wekdal terus lumampah mboten wonten kendelipun, detik demi detik, menit demi menit, jam demi jam, ngantos dinten gumantos dinten, wulan gumantos wulan wusana jangkep setunggal tahun.
Wekdal menika kita sampun dumugi akhiripun tahun ateges sampun bade gumantos warsa enggal ingkang tentunipun mbekta harapan enggal.
Tumrap kita owah gingsiring kawontenan sageta dados tepa tulada ingkang saget nambahi kandel lan tebelipun iman kita dateng panguwaosipun Allah Ta’ala. Kados dawuh:
إِنَّ فِي خَلْقِ السَّمَوَاتِ وَالْأَرْضِ وَاخْتِلاَفِ الَّليْلِ وَالنَّهَارِ لاَيَاتِ لأُولِي الاَلْبَابِ
“Saktemene ana ing katitahe langit lan bumi, lan gilir gumantining wengi lan rina, yekti dadi tanda bukti kekuasaane Allah tumrap wong kang pada nduweni akal” (Ali Imran : 190).
Wekdal ingkang tansah lumampah tanpa wonten kendelipun, ateges umuripun donya saya tambah, ateges saya caket dateng watesing umur ingkang sampun pinesti.
Pramila kangge nglajengaken lelampahan gesang punika, tumrap kita nderek ingkang dipun dawuhaken Kanjeng Nabi Muhammad Saw. dateng shahabat Abi Dzarin:
