Ciibun na tonggong daun
Hiliwir angin ngusapan pipi kembang
Sésa hujan peuting ngagenclang di buruan
Lembur kulawu dipulas halimun ipis
Dalingdingna hawa gunung, jungjunan
Nungtun léngkah mulang ka pangkonan salira
Baca Juga: Umat Bingung Banyak Ustadz Tak Cerminkan Nilai Islam, Begini Saran Gus Mus
Di tonggoh pasir ngémploh kénéh
Kiara jeung campaka can muguran deui
Upami langit angkeub lebah tutugan mangsa
Buntelan méga bakal bedah ku geter katresna
Kuring sujud jeung sumegruk, jungjunan
Ngamparkeun cimata jadi sajadah tan watesan.***